ازاى اكون ست بيت موفرة

عارفين ايه اكتر حاجه ممكن توفرو بيها وتكونو ستات بيوت مدبرين؟
مش انك تحوشى وتخزنى
لانك ممكن تحوشى ولاقدرالله تصرفيهم على عيا اوتخزنى اكل ويسوس
اه والله ده بيحصل كتير
لكن الحاجه الوحيده اللى ممكن تحوشى بيها والخزين مايسوسش وفلوسك ماتضعش هدر هى

الصدقه

تصدقوووووووووووووو
بصو كلكم الرسول ( صلى الله عليه وسلم) قالناايه؟

" ما نقص مال من صدقة "

سبحان الله ندفع اموالنا للمحتاجين ويجيلنااضعافها من ابواب تانيه لانعلم بها شئ

اه ربناكمان قالنا كده فى القرأن الكريم
الله تعالى قال " يمحق الله الربا ويربي الصدقات"
ويربى الصدقات:يعنى يربهالنا ويكترهالنا ويزودهالنا
خلاص كده كلنا متفقين ان الصدقه هتزودلنا دخلناوتوفرلنااموالنا
اوك نكمل
ممكن واحده تقول اناعوزة اتصدق لكن ؟
اللى مش عندهااصلا فلوس زياده عن حاجتها تعمل ايه
هقولكم اناباعمل ايه دايما
كل فترة بدوور فحاجاتى ايه اللى مش باستعمله وممكن افيد بيه غيرى
دخلت اوضتى اولا بدأت بدرج الشرايط كان عندى شرايط كتيييير خطب ودروس وقران
ومصاحف زياده فالبيت وكتب كتير دينيه
طبعا مع وجودالنت مابقتش اجى عندهم عملت ايييه؟
لامتهم كلهم فى شنطه وادتهم لبابا يوديهم للمسجدطبعا فيه ناس كتير هتستفاد منهم

كمان روحت على ضرفة هدومى وشوفت ايه اللى مالبستوش طول فترة الصيف وطلعته واتغسل وحطيته فشنطه
وبارضه فى هدوم الشتا وهكذا وادتهم للى يستحقوهم
وبعض الاشياء اللى ماتنفعش اديهالحد عاودت استخدامهم لاغراض تانيه المهم انى ماسيبش حاجه فالدولاب مااستخدمهاش
وبالنسبه للاكل كمان ممكن كل مانعمل اكله نزود حاجه بسيطه بدل مابيتفضل اكل ونرميه وننزل صنيه صغيرة للبواب او اى حد فقير فالشارع فيها طبق اوطبقين من الاكل اللى عملناه وهتكون صدقه بارضه
ممكن تكون اى حاجه من الحاجات ديه فى نظرنا صغيره لكن بالنسبه للمحتاج كبيييييييرة
وعند ربنا كبيرة باذن الله

تعالوشوفو الصدقه بتوفرلنافايه كمان؟
ايه كمان

- أن في الصدقة دواء للأمراض البدنية كما في قوله :
{ داووا مرضاكم بالصدقة }.
يعنى هتوفرو تمن العلاج والاويه والعمليات لاقدرالله

وتعرفو ان الصدقه من شروط استجابة اى دعاء ان نقدم صدقه تطهر اموالنا وانفسنابنية ان يستجيب الله لنا فى الدعاء الفلانى

فالحمدلله اتعودت على ان اى مبلغ يجيلى لازم اشيل منه جزء للصدقه عشان مااحسش بذنب لو اشتريت اشياء مش ضروريه لانى عندى هوس الشراء
وقال الله تعالى " لن تنالوا البر حتى تنفقوا مما تحبون وما تنقوا من شيء فإن الله به عليم"

وقال تعالى : (( الَّذِينَ يُنْفِقُونَ أَمْوَالَهُمْ بِاللَّيْلِ وَالنَّهَارِ سِرًّا وَعَلَانِيَةً فَلَهُمْ أَجْرُهُمْ عِنْدَ رَبِّهِمْ وَلَا خَوْفٌ عَلَيْهِمْ وَلَا هُمْ يَحْزَنُونَ ))

» ازاى تحط رد على موضوع فى منتدى جمعيه كنز الحياه